ဖူးစငုံစ ပန်းလေးများ အခူးခံရလျှင် ( ငယ်ငယ်ရွယ်ရွယ် အိမ်ထောင်ပြုလျှင်)

ဖူးစငုံစ ပန်းလေးများ အခူးခံရလျှင် ( ငယ်ငယ်ရွယ်ရွယ် အိမ်ထောင်ပြုလျှင်)

232 views

0   0

 




အိမ်ထောင်ရေးဆိုတာ လောကကြီးအတွက် အရေးကြီးတဲ့ အခန်းကဏ္ဍမှ ပါဝင်နေပေမယ့် ယနေ့ခေတ်လူငယ်များဟာ ဆယ်ကျော်သက်အရွယ်မှာတင် အိမ်ထောင်ရေးလောကထဲကို ဝင်နေကြတာ လွန်စွာနှမြောဖွယ်ကောင်းလှပါတယ်။ “အချိန်တန် အရွယ်ရောက်” ဟူသောစကားရှိရာ အရွယ်ရောက်တယ်ဆိုတာ လူ့ခန္ဓာကိုယ်တွင် ကြီးကောင်ဝင်ခြင်းကိုဆိုလိုပြီး အချိန်တန်တယ်ဆိုတာ ပညာစုံလင်ကာ မိဘကိုလုပ်ကျွေးပြုစုပြီး အိမ်ထောင်ပြုချိန်တန်ပြီလို့ ဆိုလိုပါတယ်။ “သီးချိန်တန်သီး၊ပွင့်ချိန်တန်ပွင့်” ဆိုပေမယ့် ယနေ့ခေတ်တွင်မူ “ပွင့်ချိန်တန်သီး၊ သီးချိန်တန်လန်” ဖြစ်နေပါတယ်။ ယခုဖော်ပြပေးမယ့်အကြောင်းကတော့ အရွယ်မတိုင်ခင် အိမ်ထောင်ပြုခြင်းရဲ့ ဆိုးကျိုး(၁ဝ) ချက်ပဲ ဖြစ်ပါတယ်။



၁။ အချင်းချင်း နားလည်မှုမရှိခြင်း



ငယ်ငယ်ရွယ်ရွယ်အိမ်ထောင်ပြုခြင်းဟာ စိတ်ဓာတ်ပိုင်းဆိုင်ရာ ရင့်ကျက်မှုအားနည်းသေးတဲ့အတွက် တစ်ဦးကိုတစ်ဦး နားလည်စိတ်နည်းကာ ပဋိပက္ခများ အလွယ်တကူဖြစ်နိုင်ပါတယ်။ ကလေးစိတ်မကုန်သေးတဲ့အတွက် လူ့လောကအကြောင်း ဘာမှနားမလည်းသေးဘဲ နောက်ဆုံးတွင် ငိုပွဲနှင့်အဆုံးသတ်နိုင်ပါတယ်။



၂။ အခက်အခဲအမျိုးမျိုး ကြုံတွေ့ရခြင်း



အသက် ၁၆နှစ်၊ ၁၇နှစ် အရွယ်တွင် အိမ်ထောင်ကျထားတဲ့ ယောက်ျားလေးတစ်ယောက်အဖို့ လူငယ်ဘဝတွင် ကြိုးစားလိုစိတ်ရှိပေမယ့် မိန်းမနှင့် အစစအရာရာ နောက်ဆံတင်းကာ အောင်မြင်ပျော်ရွှင်တဲ့ ဘဝကို ပိုင်ဆိုင်ဖို့ မလွယ်ကူလှပါ။ မိန်းကလေးအတွက်လည်း အသက်ငယ်ရွယ်သေးတဲ့အတွက် အိမ်ထောင်မှုကိစ္စနိုင်နင်းဖို့ မဖြစ်နိုင်ပါ။ “ဘူးသီး အမွှေးသပ်” ထားသလိုဖြစ်ပြီး လူ့ဘဝတွင် အောင်မြင်ပျော်ရွှင်ဖို့ ရုန်းကန်ရမှာ သေချာပါတယ်။



၃။ သဟဇာတမဖြစ်ခြင်း



အိမ်ထောင်သည်အများစုဟာ တစ်ယောက်ကိုတစ်ယောက် နားလည်မပေးဘဲ အတိုင်အဖောက်မညီတဲ့အတွက် ပြိုကွဲရပါတယ်။ တစ်ယောက်အကျင့်စရိုက်ကို တစ်ယောက်မသိဘဲ လူငယ်အချင်းချင်း တစ်အိုးတစ်အိမ်ထူထောင်ဖို့ဆိုတာ လုံးဝအံဝင်ခွင်ကျဖြစ်မည် မဟုတ်ပါ။



၎။ မိဘနေရာကို ငယ်ငယ်ရွယ်ရွယ်ရောက်ရှိခြင်း



ကလေးမွေးတာက လွယ်ပေမယ့် ကိုယ့်သားသမီးကို ဘယ်လိုအောင်မြင်အောင် ပြုစုပျိုးထောင်ရမလဲဆိုတာက မိဘရဲ့အရည်အချင်းအပေါ်မှာပဲ မူတည်ပါတယ်။ မိဘကိုယ်တိုင်က ငယ်ရွယ်တာကြောင့် ကိုယ့်သားသမီးနောင်ရေးအတွက် ငွေကြေးကိစ္စကို လုံလောက်စွာ ထောက်ပံ့မပေးနိုင်ဘူးဆိုရင် ကိုယ့်သားသမီးသာ မျက်နှာငယ်ရမှာပါ။ မိဘကိုယ်တိုင်ကလည်း မရင့်ကျက်သေးတာကြောင့် သားသမီးအနာဂတ်အတွက် ဘယ်လိုဆုံးဖြတ်ရမလဲဆိုတာ နားမလည်ပါဘူး။



၅။ ငွေကြေးကိစ္စ တိုင်ပတ်မယ်။



မိဘကိုယ်တိုင် ပညာရေးဆုံးခန်းမတိုင်ဘဲ လက်ထပ်ထားတဲ့အတွက် စီးပွားရေးရှာရာမှာ အခက်အခဲဖြစ်မှာ သေချာပါတယ်။ လစာကောင်းတဲ့ အလုပ်အကိုင် ၊ ရာထူးမျိုး မရဘဲ ရရစားစားဖြစ်ကာ နောက်ဆုံးတွင် ငွေကြေးဥစ္စာမပြည့်စုံဘဲ အများအလယ်တွင် မျက်နှာငယ်ရတတ်ပါတယ်။



ဒီအချက်တွေကြောင့် အပျိုကြီး ဖြစ်နေတာ



၆။ လေးနက်မှုအားနည်းခြင်း



ငယ်ငယ်ရွယ်ရွယ်အိမ်ထောင်ပြုတဲ့အတွက် တည်ကြည်လေးနက်မှုအားနည်းပြီး အိမ်ထောင်ရေးမှာ အဆင်မပြေနိုင်ပါ။ ကလေးစိတ်မကုန်သေးတဲ့အပြင် အတွေ့အကြုံနုနယ်သေးတာကြောင့် အိမ်ထောင်မှုအခက်အခဲများကို ဖြေရှင်းနိုင်စွမ်း အားနည်းပါတယ်။



၇။ ပန်းကောင်း အညွှန့်ကျိုးဖြစ်ခြင်း



ငယ်ငယ်ရွယ်ရွယ်နှင့်ပင် လိင်ကိစ္စရင်းနှီးကျွမ်းဝင်နေခြင်းဟာလည်း ကျန်းမာရေးရှုထောင့်မှ ကြည့်မယ်ဆိုရင် မကောင်းလှပါဘူး။ ငယ်ရွယ်လွန်းတဲ့အတွက် ကျန်းမာရေးထိခိုက်ကာ မလိုလားအပ်တဲ့ ရောဂါမျိုးစုံ ခံစားရနိုင်ပါတယ်။



၈။ ပညာရေးဆုံးခန်း မတိုင်ခြင်း



ငယ်ငယ်ရွယ်ရွယ် အိမ်ထောင်ကျထားတဲ့စုံတွဲအများစုဟာ ပညာရေးဆုံးခန်းမတိုင်ကြပါဘူး။ ပညာရည်မမြင့်မားဘဲ ဘဝမှာ အောင်မြင်ဖို့ဆိုတာ မလွယ်ကူပါ။ မိမိကိုယ်တိုင် ပညာရေးဘက်မှာ အားနည်းတာကြောင့် မိမိမျိုးဆက်များကို အနာဂတ်မှာ အောင်မြင်စေရန် မထိန်းကြောင်းနိုင်တာလည်း သေချာပါတယ်။



၉။ ကိုယ်ဝန်ပျက်ကျနိုင်တယ်။



“ငယ်ငယ်ရွယ်ရွယ် ကိုယ်ဝန်ဆောင်ကြတဲ့ မိခင်လောင်းတွေဟာ ကိုယ်ဝန်ပျက်နှုန်းပိုများတယ်” လို့ ကျန်းမာရေးသုတေသနပညာရှင်တွေက ဆိုပါတယ်။ သန္ဓေသား ကျန်းမာဖို့ အာဟာရကို ဘယ်လိုစားသောက်ရမယ်၊ ကိုယ်လက်လေ့ကျင့်ခန်း ဘယ်လိုလုပ်ရမယ်ဆို နားမလည်သေးလို့ပဲ ဖြစ်ပါတယ်။



၁၀။ အကြောင်းအကျိုး၊အကောင်းအဆိုး ခွဲခြားနားမလည်ခြင်း



လူတိုင်းမှာ မိမိတို့ကြုံတွေ့ရတဲ့ ဘဝသင်ခန်းစာများအပေါ်မူတည်ပြီး ဆင်ခြင်တုံတရားရှိကြပါတယ်။ ကလေးစိတ်မကုန်သေးတဲ့ အိမ်ထောင်ရှင်စုံတွဲအဖို့ ဘဝအခက်အခဲများကို ဘယ်ကွေ့ဆိုလျင် ဘယ်တက်နဲ့ လှော်မယ်ဆိုတာ ကြိုတင်ဆုံးဖြတ်နိုင်စွမ်း အားနည်းပါတယ်။ အချုပ်အားဖြင့်ဆိုသော် အိမ်ထောင်ပြုခြင်းဟာ စမတ်ဖုန်းဝယ်ခြင်းနှင့် ဆင်တူပြီး နောက်ကျလေ မော်ဒယ်မြင့်လေဖြစ်တဲ့အတွက် “လက်ဖက်ကောင်းစားချင်ရင် ပလောင်တောင်တက်နှေး” ကြပါလို့ အကြံပြုလိုပါတယ်။



ကျော်စိုးအောင် (အခရာ)



 



 


အဆင်မပြေတာများ လိုအပ်တာများရှိပါက အောက်မှာ register လုပ်ပြီး comment ရေးထားခဲ့ပါ။ နောက်လည်း အလည်လာဦးနော်....

ဒီမှာ register လုပ်လိုက်ပါ


ဖုန်းထဲကနေ update အမြဲကြည့်ချင်ရင်

ဒီမှာ Apk ဒေါင်းပြီး

install လုပ်ထားလိုက်ပါ။



Published 4 months ago

Category Picture  /  သုတအထွေအထွေ

View More
Comments

0 Comments